“Qara nöqtələrdən necə azad olaq?” – Həkim-kosmetoloq Sevinc Əliyevanın özəl AÇIQLAMASI

Bu gün mən sizə əksər xanımları narahat edən qara nöqtələrdən danışacam.

İlk öncə qeyd edim ki, qara nöqtələrdən tam azad olmaq mümkün deyil. Onlar azalacaq, daha görünməz hala gələcək, amma o sizdə varsa həmişə az və ya çox şəkildə olacaqdır.

Adətən onlar yağlı və qarışıq dəri tipi olan şəxslərdə olur. Əgər qara nöqtələriniz varsa yalnız professional qulluq deyil, evdə də düzgün qulluq edilməlidir. Bir sözlə “əliniz daima üzünüzdə” olmalıdır.

Kamedonlar, səbəbindən asılı olmayaraq, çoxlu piy ifrazı nəticəsində əmələ gəlir. Yəni qidalanmadan tutmuş, komedogen kosmetik vasitələrin istifadəsinə qədər.

Google-dan istifadə etdiyiniz kosmetik vasitələrin və ya üzə qulluq vasitələrinin tərkibində komedogen maddələrin olub olmadığını araşdırın.

Nə edək…? Yuxarıda qeyd etdiyim kimi olubsa olacaq, sadəcə azalsın, görünməz olsun deyə bir neçə məsləhət verim:

1. Üzü düzgün təmizləmə;

2. Düzgün qidalanma və gündəlik su miqdarının qəbulu;

3. Həddindən artıq piy ifrazı varsa retinollardan istifadə edin (mütləq şəkildə öz həkiminizlə öncədən məsləhətləşin);

4. Tonal kremlərdən bacardığınız qədər az istifadə edin. Hətta yüngül BB kremdir deyib keçməyin (mən ümumiyyətlə istifadə etmirəm);

5. Gündəlik istifadə etdiyiniz SPF kremini evə gələn kimi yuyun;

6. Dəriniz yağlı olsa belə dəri tipinizə uyğun nəmləndiricilərdən istifadə edin. Çünki dəri quruduqca dəridə su ifrazı azalır. Təbiətin balans qanununa əsasəndə dəri özünü qorumaq üçün piy ifrazını artırır;

7. Heç vaxt makiyajla yatmayın;

8. Misilyar suyu üzdən yuyun;

9. Spirt tərkibli vasitələrdən bacardığınız qədər az istifadə edin. Spirt üzü qurudur. Yuxarıda qeyd etdiyim kimi dəri özünü balanslamaq üçün piy ifrazını artırır.

Ümüdvaram bu mövzuda az da olsa sizə yardımçı ola bildim!

Əlavə sualınız olduğu təqdirdə “dr__aliyeva” instagram səhifəsinə yazmaqla müraciət edə bilərsiniz.