Kəlbəcərdə mina partlaması nəticəsində şəhid olan jurnalist Məhərrəm İbrahimov dəfn olunub- FOTO – YENİLƏNİB

Kəlbəcərdə mina partlaması nəticəsində həlak olan Azərbaycan Dövlət İnformasiya Agentliyinin (AZƏRTAC) əməkdaşı Məhərrəm İbrahimov dəfn olunub.

“Newpost.az” xəbər verir ki, şəhid jurnalist Müşfiqabad qəsəbəsində ata-anasının dəfn olduğu qəbiristanlıqda torpağa tapşırılıb.

• Şirvanda iki bacını bıçaqlayan keçmiş məhkum saxlanılıb

• Bakıda avtomobil və moped oğurlayan şəxslər tutulub – FOTO – VİDEO

• FHN Hirkan Milli Parkında “Meşələri yanğından qoruyaq” mövzusunda təbir keçirib

***

10.06

Kəlbəcərdə mina partlaması nəticəsində həlak olan Azərbaycan Dövlət İnformasiya Agentliyinin (AZƏRTAC) əməkdaşı Məhərrəm İbrahimovla vida mərasimi keçirilir.

“Newpost.az” xəbər verir ki, Məhərrəm İbrahimovun yaşadığı evdə, Bakının M.Ə.Rəsulzadə qəsəbəsində keçirilən vida mərasimində yaxınları, jurnalistlər, ictimaiyyət nümayəndələri iştirak edir.

Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Prezidentin tapşırığı ilə vida mərasimində iştirak edib və Prezidentlə Birinci Xanımın başsağlığını çatdırıb.

Qeyd edək ki, mərhum jurnalistin nəşi bu gün səhər saatlarında yaşadığı evə gətirilib.

Şəhid jurnalist Müşfiqabad qəsəbəsində ata və anasının dəfn olduğu qəbiristanlıqda dəfn ediləcək.