Parlamentdə Şuşaya “Qəhrəman şəhər” adının verilməsi təklif olunub

“Şuşada muzeylər tarixi abidələr məhv edilib, darmadağın edilib”.

“Newpost.az”  xəbər verir ki, bunu Milli Məclisin bu gün keçirilən iclasında deputat Tahir Rzayev deyib.

• Arxeoloq alim vəfat edib

• Bakıda daha 7 marşrut xətti kart sisteminə keçir

• Azərbaycanda ümumilikdə 331 477 nəfər COVID-19-a yoluxub, 4828 nəfər vəfat edib

Deputat bildirib ki, Bülbülün muzeyi də darmadağındır: “Bu ev muzeyi təmir edilsə belə, onun bir hissəsinə toxunulmasın. Gələn turistlər də ermənilərin əməllərinin şahidi olsun. Təklif edirəm ki, hətta bu məsələ “Azərbaycanın mədəniyyət paytaxtı – Şuşa şəhəri haqqında” qanunda da əksini tapsın”.

Deputat Şuşaya “Qəhrəman şəhər” adının verilməsini təklif edib: “Şuşa bu gün Ali Baş Komandanın rəhbərliyi altında Azərbaycan Ordusunun qəhrəmanlığı nəticəsində azaddır. Buna görə də Şuşada Azərbaycanın qəhrəman hərbçilərinin şərəfinə abidə kompleksi də ucaldılmalıdır”.