Odlar Yurdu Universitetinə ağır itki üz verib

Odlar Yurdu Universitetinin “İnformasiya texnologiyaları sistemləri və Texnopark” institunun direktoru, “İnformasiya texnologiyaları və mühəndislik” kafedrasının müəllimi, professor Rzazadə Etibar Mütəllim oğlu vəfat edib.

Rzazadə Etibar Mütəllim oğlu 22 oktyabr 1954-cü ildə Bakı şəhərində anadan olub. 1971-1980-ci illərdə Azərbaycan Dövlət Universitetinin “Mexanika-riyaziyyat” fakultəsində ali təhsil alıb.

İnformasiya texnologiyaları və kompüter mühəndisliyi sahəsində yerli və beynəlxalq konfranslarda 100-dən çox məqaləsi çap olunub və bir çox nominasiyalar üzrə təltif olunub. 3 kitabın müəllifidir.Təhsil Nazirliyinin Fəxri Fərmanı ilə təltif olunub. Etibar Rzazadə həmçinin bədii oyma sənəti ilə peşəkar şəkildə məşğul olub.

O, 2017-ci ildə Odlar Yurdu Universitetində “Riyaziyyat, informatika və texniki fənlər” kafedrasında müəllimi kimi fəaliyyətə başlayıb, 2019-cu ildə “Ümumitexniki fənlər və mühəndislik” kafedrasının müdiri, 2020-ci ildən vəfatına qədər isə “İnformasiya texnologiyaları sistemləri və Texnopark” institunun direktoru vəzifəsində çalışıb.

Odlar Yurdu Universitetinin rəhbər və akademik heyəti adından mərhumun yaxınlarına dərin hüznlə baş sağlığı verir, səbr diləyirik.

Allah rəhmət eləsin!

Rektor

Elmi Şura

Prorektorlar